იურიდიულ საკითხთა კომიტეტის სხდომაზე დღეს მესამე მოსმენით საარჩევნო კოდექსში შესატან ცვლილებებს განიხილავენ.
ცვლილებათა პაკეტი ცესკოს თავმჯდომარისა და წევრების არჩევის სამეტაპიან პროცესს ითვალისწინებს.
კანდიდატების მხარდაჭერისთვის აუცილებელი იქნება საერთო შემადგენლობის 3/5 ანუ 90 ხმა. იმ შემთხვევაში, თუ კანდიდატები 90 ხმას ვერ მიიღებენ, მეორე კენჭისყრა ჩატარდება, სადაც 76 ხმა იქნება საჭირო. თუ საჭირო მხარდაჭერა ვერც ამ ეტაპზე იქნება უზრუნველყოფილი, მომდევნო პლენარულ სხდომაზე კიდევ ერთი კენჭისყრა გაიმართება და კანდიდატებს ასარჩევად კვლავ 76 დეპუტატის ხმა დასჭირდებათ. თუ ვერც მესამე კენჭისყრით აირჩევენ, საკითხი გადაწყვეტილების მისაღებად პრეზიდენტს გადაეცემა.
